【on.cc東網專訊】 香港車手陸漢洋（William）即將參加世界矚目的《法國利曼24小時耐力賽》的「利曼短途世界盃」組別，是首位華人參與該項比賽，能夠在法國賽車場上展示香港的旗幟，令他十分期待，希望為港爭光。

賽前舊患復發

賽前陸漢洋做足準備功夫，臨近比賽右腳的舊患卻突然復發，所以出發前他即找相熟醫生打了兩支消炎針，他說：「我天生膝頭嘅半月板比正常人大，09年右腳膝頭已做過手術，恢復得好好。上年參加『亞洲利曼賽』再次撞到膝頭，早前喺瑞典幫瑪莎拉蒂工作時又整親，回港後一直唔消腫，變成骨膜炎。打咗兩支消炎針，開始消腫。」他謂受傷難免，透露曾試過在韓國賽車時七車連環相撞受傷，又指作為車手亦有心理準備。

盡力做到最好

他指最擔心於今次比賽中，因為傷患而影響表現，他說：「賽車嘅每個動作都好細緻，好似一門藝術，到時唯有食定止痛藥，我都唔係第一次帶病出賽，最重要是有好嘅心態。」問到是否有信心奪冠？他笑謂每個車手上了車，都想奪冠，但一定要天時地利人和。他說：「最近我婆婆身體出咗大問題，歐洲天氣亦唔係我習慣嘅，加上受傷，似乎天時地利人和都冇，但世界往往可能負負得正，總之盡力做到最好。能夠成為首位華人參加呢項比賽，已經覺得好開心。」